ملتان۔22 فروری (اے پی پی) اولنۍ مېرمنې بېګم ثمينه عارف علوي وئيلي دي د هېواد پرمختګ لپاره بې آسرې او محرومو كوچنيانو ته د زده كړو آساني وركول ضروري دي٬ د زده كړو سره سره به دوي ته د هنر ښودلو او د مناسب خوراك وركولو اهتمام هم كول وي٬ په ګډه هڅې كولو سره مونږ د پاكستان په پرمختګ كښې لا ښه والے رامخې ته كولے شؤ۔ د دې خيالاتو څرګندونه دې د شورؤ په ورځ د ”تارے زمین پر“ ایجوکېشنل سنټر پرانستې په موقع وكړه۔ دې ووئيل’’تارے زمین پر‘‘ ټرسټ د بې كوره كوچنيانو لپاره د ډاډ ترلاسه كېدو يو مركز جوړېږي۔ ټرسټ 250 كوچنيانو ته د زده كړو آسانۍ او 29 كورنيو ته كورونه وركولو سره سره ضرورتمندو وګړو ته راشن او روغتونو كښې وګړو ته د خوراك وركولو په څير نيكو كارونو كښې برخه اخلي۔ دې ووئيل دا خبره د ستائنې وړ ده چې د ټرسټ چلوؤنكي يواځې د خلقو د استوګنې نه بلكې د هغوي د كوچنيانو د زده كړو هم بندوبست كوي ۔ ده ووئيل زه ټولو ته خواست كوم چې هغوي په دې غور وكړي چې څنګه په خپله ټولنه كښی د بې وزله وګړو مرسته كولې شي۔ دې ووئيل د خېر ښېګړې تنظيمونو او ټولنو شتمند خلق دې خپل وخت او وسائل دې خلقو ته عطيه كړي٬ كه مونږ لږه لږه مرسته هم وكړؤ نو دا د دې كوچنيانو په ژوند كښې زيات مثبت بدلون راوستلے شوو۔ دې ووئيل زمونږ 24 فيصده خلق ذهني فشار سره مخ دي٬ په ګرد هېواد كښې 4 ٬ 5 سوه ماهر نفسيات دي ٬ مونږ ټولو له به د ذهي دباؤ مسئلو حل لټولو كار كول وي۔ په دې موقع د “تارے زمین پر”ټرسټ مؤسس كاشف رياض او چيف اېګزېكټو آفيسر فاديه كاشف هم موجود وه۔
د هېواد پرمختګ لپاره به بې آسرې او محرومه كوچنيانو ته د زده كړو آسانۍ وركول وي٬ ثمينه عارف علوي
مضمون کا ماخذ : اسکریچ کارڈ کے نتائج
متعلقہ مضامین
