اسلام آباد۔7نومبر(اے پی پی) د لوک ورثه تر سېوري لاندې لوك مېله سبا د جمعې په ورځ وفاقي پلازمينه د اسلام آباد په شكر پړياں سيمه كښې پېل كيږي۔ د لوک مېلې پرانستلې له د نومبر 8 مه نېټه د لوك ورثې د 50 كلونو تر سره كېدو په نسبت ټاكلې شوې۔ دا مېله به تر 17 نومبر دوام لري۔ د مېلې پرانسته به په 8 نومبر د اطلاعات ٬ خپرونو ٬ قامي ورثې او كلتور وفاقي وزير عطاﺀ تارړ كوي۔ په لوک ورثه كښې به سږ كال يو خصوصي پوېلين كښې د تېرو 50 كلونو په مهال د لوك ورثه د پرمختګ او كاركردګۍ په اړه د ځانګړي نندارتون اهتمام هم كولې شي۔ دې سره سره يو نړيوال پوېلين به هم لګولې شي په كوم كښې به چې د سعودي عربستان ٬ انډونیشيا او ترکیه سفارتخانې د خپلې خپلې كلتوري ورثې نمائش كوي۔ د مېلې يوه بله خاص خبره د ځوانانو د پوېلين ده كوم چې په يو مركزي ځاے كښې جوړولې شي چرته به چې ځوانان د خپلو كلتوري چارو د نندارتون اهتمام كوي۔ په مېله كښې ګرد هېواد څخه نزدې 500 نه زيات هنرمندان ، موسیقاران ، فنكاران او کاروباری وګړي او د څلورو واړو صوبو ٬ ګلګت بلتستان او آزاد جمو وكشمير څخه به ګډون كوي۔ د میلې بنيادي مقصد د كارپوهه كاريګرانو او لوك فنكارانو ډاډګيرنه كول دي دغسې چې هغوي خپل صلاحيتونه راتلونكو نسلونو ته منتقل كړې شي۔ دا مېله به د يو ایوارډ دستورې سره پايې ته رسي ٬ په دې كښې به د قامي جيوري په سپارښتنه مستحق او كارپوهه كاريګرانو او لوك فنكارانو ته ايوارډ وركولې شي۔ مېلې ته د ننوتلو ټكټ سړي سر 200 روپۍ او زده كوؤنكو لپاره 100 روپۍ دے۔
د لوک ورثه تر سېوري لاندې لوک میله سبا پيل كيږي ٬ نړيوال پويلين به هم لګولې شي
مضمون کا ماخذ : loteria estadual
متعلقہ مضامین
.jpg)
