اسلام آباد ۔ 10 جون (اے پی پی)وزیر اعظم دے معاون خصوصی صحت ڈاکٹر ظفر مرزا آکھیے جو کورونا وائرس دا مقابلہ کرنڑ کیتے حکومت جامع بھر پور حکمتِ عملی تے عمل پیرا اے ۔ عالمی ادارہ صحت دے خط دے حوالے نال ڈاکٹر ظفر مرزا دے جاری بیان موجب این سی او سی اچ روزانہ صورتحال دا چنگی طرح جائزہ گھدا ویندا پئیے۔ صوبیں نال رل تے فیصلہ سازی کیتی ویندی اے ۔ ڈاکٹر ظفر مرزا آکھیے جو این سی او سی اچ سارے صوبے آزاد کشمیر موجود ہن۔ وزیراعظم دی سربراہی اچ سارے فیصلے سانجھی مشاورت نال کیتے ویندن ۔ انہاں آکھیے جو پاکستان دنیا دا 5پنجواں وڈا ملک اے جڈاں جو ڈبلیو ایچ او ایمرو ریجن دا ساریں توں وڈا ملک اے ۔ انہاں آکھیے جو اساں معیشیت دے لحاظ نال گھٹ تے اوسط آمدنی آلے ملکاں اچ آندوں ۔ اساڈی آبادی دا ڈوتہائی حصہ روزانہ آمدنی تے گزریندے ۔کورونا دی صورتحال کوں سامنڑے رکھیندے ہوئیں عوام دے بہترین مفاد اچ فیصلے کیتے ویندن ۔ ڈاکٹر ظفر مرزا آکھیے جو اساکوں اوکھے فیصلے کرنڑیں پوندن ۔ حکومت زندگیاں تے روزگار ڈوہیں کوں بچاونڑ تے انہاں دے درمیان توازن رکھنڑ کیتے حکمت عملی تے عمل کریندی پئی اے ۔ اساں دانستہ طور تے ملک اچ ہولے ہولے لاک ڈاﺅن اچ نرمی کیتی تے دکاناں میستاں، مار کیٹاں، پبلک ٹرانسپورٹ تے ایس او پیز تے عمل درآمد تے زور ڈتے ۔ ماسک پاونڑ پورے ملک اچ لازمی قرار ڈتا گئے ۔ اساں فعال ٹریسنگ ٹیسٹنگ کورنٹاین پالیسی متعارف کرائی جیں دے ذریعے وائرس دے کھنڈنڑ آلے علاقیں دی نشاندہی کیتی ویندی اے ۔ ایں ویلھے سمارٹ لاک ڈاون دیاں ست سو مختلف جہیں ہن ۔
کورونا وائرس دا مقابلہ کرنڑ کیتے حکومت جامع بھر پور حکمتِ عملی تے پیرا اے، ڈاکٹر ظفر مرزا
مضمون کا ماخذ : مردہ یا زندہ II
متعلقہ مضامین
